CCLVIII.

1365, August 24. Stolz.

Der Ritter Albrecht d. J. von Crenowitz verkauft dem Stifte ein Privileg über die herzogliches Rechte in Gross- und Wenig-Nossen.

Nos Johannes Sueringus de Bebirsteyn ac dominus in Stalcz universis tam presentibus quam etiam futuris presentium noticiam habituris publice profitemur, quod ad nostre habitacionis domum veniens strennuus miles, dominus Adalbertus iunior de Crenwicz et coram nobis religiosis viris ac dominis, domino Andree abbati monasterii Camensis conpatri nostro suoque conventui rite et racionabiliter, servato prius debite ac iuste vendicionis tytulo, quoddam privilegium super iura ducalia ambarum villarum, videlicet Nussin Magni et Parvi pro uno equo quatuor marcarum valore, uno stamine et pro triginta et quatuor marcis grossorum Pragensium Polonici numeri et pagamenti vendidit renuncians pariter pro se et pro suis successoribus ac heredibus legittimis et pro tribus fratribus suis, videlicet Cunrado, Herbordo, Heckerico omni actioni, impeticioni, arrestacioni ac iuri, que sibi suis successoribus ac heredibus legittimis, nec non fratribus suis prefatis, videlicet Cunrado, Herbordo, Heckerico, in et de predictis villis seu bonis de iure vel consuetudine conpetere videbantur, promittens nichilominus sepenominatos fratres suos ad predictorum religiosorum virorum ac dominorum presenciam, videlicet domini Andree abbatis conpatris nostri ac sui conventus monasterii Camensis pro abdicandis seu renunciandis universis superius expressis, videlicet omni actioni, impeticioni, arrestacioni ac iuri personali presencia adducendos. In cuius rei testimonium presentes nostri sigilli appensione fecimus roborari. Datum in Stalcz in die beati Bartholomei apostoli anno domini millesimo trecentesimo sexagesimo quinto.

Or. Perg. An einem Pergamentstreifen das S. des Ausstellers (fünfendige Hirschstange, links daneben ein Haken oder J-Buchstabe mit kronenartiger Verzierung. Umschrift: S. IOHIS . SEVRI . O . BEBIRSTEYN.).

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.